pursīd hašāgird ōšnar ī dānāg kū ēk tā hazār harw mārīg ēd rāy sān =ē pad frahang be gōw

ōšnar guft fradom hunar pad mardōmān xrad weh

ud ēk pad kirdan be harw kār kē pašēmān nē bawēd kirbag

ēk pad kardan harw kār mādagwarīhādom tis tuxšāgīh

ud ēk pad , mardōmān farroxīhādom tis dānišn ud dahišn

ud ēk tis ī anāgīh kē az harw anāgīh =ē dušxwārdom nihuftan nē šāyēd driyōšīh

ēk tis az =iš būdan nē šāyēd kunišn ī xwēš

ud ēk abāg harw tis gumēxt ēstēd frasāwandīh

ud ēk az harw tēzīh =ē tēzdom kāmag ī xēšm

ēk tis ī az harw tārīgīh tārīgdar dušāgāhīh

ud ēk band =ē ī az band =ē saxttar waran

ud ēk āsānīg =ē az harw āsānīh =ē āsāndom hunsandīh

ud ēk rāh ī ō wahišt šudan wirrōyišn ī rāst kunišn ī nēk

dō payrāyag pad mardōmān ēn weh dahišn dānišn

dō hēnd kē xwēštan tar nē kunēnd ēk kē None društāwāzīhā saxwan ō āsān nē gōwēd ud dudīgar kē az wattarān tis nē xwāhēd

dō hēnd kē hamwār zahr pad dil abgand ēstēd ēk driyōš kē harw tis pad niyāz xwāhēd , dō hēnd kē , ud dudīgar pādixšā ī tund nāzuk ,

dō hēnd tis garānmīgdar dārišn ēk driyōš ī rāst dudīgar pādišxā ī nihānīgburd ,

az ēn dō tis wēš sazēd handēšīdan ēk az wināh ud dudīgar az wattarān ,

az ēn dō tis šarm nē abāyēd kirdan ēk az wēmārīh ud ud dudīgar az xwēšāwand ī driyōš ,

dō hēnd kē andar āwām ī wad āsānīh ēk sarag dānāgīh ud frazānagīh rāy tisiz tis nē dārēd ud ranǰag nē bawēd

ēk dušāgāhīh kē dušāgāh rāy tis pad tisiz tis nē dārēd ranǰag nē bawēd ,

dō hēnd kē hamēšag tund ēk tuxšāg mard ud ēk kē az tis ī apassend rāmišn ,

dō hēnd kē dušman wēš kū ān ī sazēd būd ēk menīdār mard kē xwēštan azabar pāyag ī xwēš menēd ud dārēd ud ēk pahikōftag mard kē pad harw tis pahikōbēd ,

dō tis rāy az xwēštan dūr nē abāyēd dāštan ēk xēm ī nēk ud dudīgar xrad ,

sē tis drubušttar abāyēd dāštan ēk X ud dudīgar dōstī ud sidīgar zēnhār ,

sē ēn tis X grāmīgdar būd pad rāstīh dahišn X

ēn dušxwārdar dārēd āz aburnāy kōr ud zan ,

sē hēnd kē dōst wēš sazēd būd dānāg buzešk nēk ud zan ī xwēš ī nēk ,

čahār hēnd tā ō gāh rasēd guftan nē abāyēd xwarišn tā gugārēd , ud zan tā mirēd ud tagmard tā az kārezār abāz āyēd ud bar zamīg tā ō hambār kunēd ,

sē hēnd kē harwčand abar rawēnd xwārdar hammōzišn frahang ī apassend ud wad ud mardōm wad ud rāh tārīg bīmgēn ,

čahār tis mard burzišnīgdar bawēd pad xrad ud xēm ud xōg nihānīh ,

pad čahār tis mard bēš az =iš šāyēd gugārdan pad sān ī dānāgān ud wēnišn dōstān ud may māh rōz

sē tis rāy tuxšišn kunišn rāmišn ī xwēš ud passand ī wehān ud šnāyēnišn ī kirbag ud mizd rāy ,

čahār tis rāy mard zyāngardar bawēd was , xwardan ī may ud waranīg pad zanān ud was kardan ī nēwardaxšīr naxčīr nē pad paymānagīh

pad ēn čahār tis bāyist mard āšōbēd pus ud zan ī , hašāgird ayārīh ī wad ,

sē tis mard grāmīgdar gīrišn ud dārišn burzišn ī wuzurgān ud pānāgīh ud paywandišn abāg wehān ,

panǰ hēnd kē az ō bē ēstēd pašēmān nē bawēd az xwadāy kē nēk ud wad nē dānēd ud dudīgar dōst ī pad dēsag ud sidīgar zan ī wad ud čahārom ayār wad panǰom mizdwar ī wad ,

panǰ az gāh ī winast nē tuwān ēk menišn ī pādixšāyān ud dudīgar tagmard tā kārezār abāz āmad sidīgar arzānmandīh ī mard tā ō madan ī hanǰaman awištābēd , čahārom dōstīh mard tā ō astānag ud panǰom husrawīh zanān tā ō frazāmgār

ud pad ēn panǰ tis mard druwand ayāb dusraw bawēd fradom az zadārīh dudīgar az afsōsgarīh sidīgar az xēšmgōnīh ud čahārom ruwān nē wurrōyēd ud panǰom az frēftārīh

pad ēn panǰ tis mard pad dānāg dārišn nē pad dušāgāh

ēk pad tis šud ud uzīd bēš nē barēd

ud dudīgar tis mad ēstēd rāy mihōxt nē menēd

ud sidīgar kē pad ān mad ēstēd hunsand

čahārom pad ān ummēd dārēd ī sazēd būdan

panǰom pad anāgīh dušram pad nēkīh mast nē bawēd ,

ēn panǰ tis pad dušāgāhān bawēd nē pad dānāgān ēk kē abēčim xēšm gīrēd ud dudīgar kē dōst dušman nē šnāsēd sidīgar kē abēsūd was drāyēd ud čahārom kē rāz nē šāyēd dāštan panǰom kē abēgāh was xandēd ud šašom kē pad harw kas wistāx

ud šaš hēnd kē ēn šaš tis az =iš pahrēz X

X bālistānīh kirdan

ud andar xēšm kēn az menišn ī xwēš abāz dāštan

nigērīdār pad nēkīh ud frasāwandīh ī tis handēšīdan

ud dušmanān rāy pad čārag weh nē guftan

dōstān rāy wad nē bē weh bowandag guftan pad harw čārag ,

gyāg nēk az dast bē nē hištan

ud andak āhōg ī xwēš be wirāstan pas āhōg kasān bē guftan

pad rāz ī pādixšāyān nē raftan nē wizōstan nē xwāst

ōy kē xwadāymard az =iš āzard ēstēd dūr waštan

ud kē gufsišn ud afsōsgarīh handēšēd dūr dāštan

ud pad murdagān gāh kirbagkirdan andar ayād dāštan

ud kē wināh bazag kird ēstēd pašēmān pad padīd būdan ud anī- =z wināh nē kirdan dastwarīhātar

ud harw kas hučašmīh kirdan ud pad pahlom dādan

pursīd kū čē kird weh ud čē nēkird ud čē pād ud čē abāzdāšt ud čē behišt ud čē frāzgrift ,

passox kird kū kird āštīh weh ud nēkird ǰangwāng weh

pādan uzwān weh ud abāzdāšt xēšm weh

bēhištan kēn weh frāzgriftan X ,

pursīd kū čē ast ud čē nēst

čē ān ī be frēbēd ,

passox ast ruwān tan ān ī be frēbēd

ān ī nēst kē X saxwan ī dānāgān ud dēnāgāhān X kār nē dārēd ud az kunišn ī xwēš pašēmān

ud dānāg ān kē dēnāgāh ān kē humat hūxt huwaršt abēgumān ud wurrōyišn ī rāst ud frēstišn ī rōšnīhā pad dast dārēd

be dānēd kū buništag ī wehīh ud dahišn ī nēk kē kunēd buništag ī wattarīh dahišn ī wad

ēn =iz guft ēstēd kū āz pad hunsandīh ud waran pad čārag ud xēšm pad wahmanmenišnīh be šāyēd zadan

ud ka nēkīh ē be handēšišn zūd be gīrā ud ka wattarīh ē be handēšišn az xwēš bē spōzā

ud kē driyōš pad čē huram

druwand ēmēd ō kē dārēd ka nē wehīh astīh az None ahlāyīh ud nē =z wattarīh ē ast wattar az druwandīh

ud kē hambār kirbag driyōš kardan tuwān ud kē yazdān ayār ēwtāg čeōn šāyēd būdan ,

hašāgird ēn =iz pursīd az ōšnar pad xrad kū anōš čē ,

ōšnar guft kū xwarišn nē tanīhā xward ud kirbag

petyārag kē ān bazag kunēd ud bazag kē kunēd stahmagīh ī āz ud xēšm rāy ud pad āz ud xēšm ud waran =iz ,

čē āz pad hunsandīh ud waran pad čārag ud hammōzišn ī pad xōg ud xēšm pad wahmanmenišnīh zanēd

ud kirbag čē az X X dastag paymān hunsandīh ,

kē pad xrad kāmēd būdan gōw kū bowandagmenišn bawāy

kē pad xēm kāmēd būdan gōw kū dildard bawāy

kē pad šāyēnišn kāmēd būd gōw kū wehdōst bawāy ,

kē pad ruwāndōst kāmēd būdan gōw kū rād bawāy ,

kē pad sūdōmand kāmēd būdan gōw kū afsōs ma kun ,

kē pad xūb gōwišn kāmēd būdan gōw kū rāst gōwišn bawāy ,

kē wistāxīh abāg ruwān ī xwēš kāmēd kardan gōw kū harw kas dōst bawāy xōg wad ma kun ,

kē pad hubrahmag kāmēd būdan gōw kū xūb hammōzišn bawāy ,

dānāg uzmūdag xrad hamēdōn guft kū pad xwāstag ī was pad harw kas was zyāngārtar ēd rāy čē , frehbūdīh rāy bē az paymān

čē awēšān kē nēst pad ārzōg xwāhēnd ud pad awištāb

ud awēšān kē ast hamēšag andar awištābišn ī āz handēšag

ud awēšān kē būd nē šud hamwārag ranǰag pad X ēstēnd

ud xwāstag pad mar None paymān weh and čand petyārag az tan abāz dāštan tuwān

u =š ēn =iz guft kū mardōmān X ī āzarmīgdom tis ud kas , harw rōz andar kāhišn

pas pad ān ī sazišnīgdom nē tuxšāg xwēštan pad gētīg sūd zīndag nē dārišn ,

farrox ōy tan kē wuzurg āfrīn yazdān āfrīnīd ēstēd ō azbāyišn , šnāyēnišn ud pānāgīh ud dāštārīh ud ummēd ō ohrmazd xwadāy , ud mēnōgān mahist ud amahraspandān ud harwisp mēnōg

weh rāyēnīdārīh ī mēnōg ud gētīg az =iš paydāgēnīd

ud amā mardōmān ōšstāyēnīdārīh spāsōšmurdārīh ī andar ohrmazd ī xwadāy ud amahraspandān ud harwisp mēnōg weh tuxšāg abāyēd būdan čē ān čiyōn amā mahist dām hēm

fradom tis bē ō amā ēn dād ēstēd ka , =mān pad amāwandīh ud wuzurgīh ud pērōzgarīh ī ohrmazd ud xwadāy ud amahraspandān ud pērōzgarīh ī ud ōzōmandīh ī dēn ī mazdēsnān ud āgāh būdan

čē agar man , abēgumān hēm kū dādār ohrmazd ēn dām ud dahišn ī mēnōg ud gētīg būdan pad ēn ēwēnag abēzag kardan šāyistan , ī ristāxēz ud tan ī pasēn abērtar dād ēstēd ud čē harwispāgāhīh ud harwispdādārīh ud harwispdānišnīh ī xwēš tis-ē ēn sahīgtar arzōmandtar ud sūdōmandtar ud akanārag rāmišntar dād čiyōn ristāxēz ud tan ī pasēn hamāg dām ud dahišn abēzag anāhōg amarg ud azarmān ud asuyišn ud ačandišn ud apetyārag kardan pad frazām abāz xwēš kardan pērōzgarīhā pad frazām nōhazār sāl hamē afsēnīdan ī gannāg mēnōg druwand , wišūdagān

ud pas frēzbān ast hamāg mardōmān ud čārīhā abar nigerīdan kū pad kardan ī ristāxēz ud tan ī pasēn tis =ē čē bōzāgīhātar

u =m az dastwarān ī dānāg saxwan ēdōn ašnūd ēstēd pad =iz ī āsnxrad gōšōsrūdxrad sazēd dānistan kū pad kardan ī ristāxēz ud tan ī pasēn tis =ē ēn pahlomtar čiyōn āstawān pad dēn ī mazdēsnān ud rāyēnīdārīh ud ganǰwarīh ī dēn kardan , ōšyārtar abāyēd būdan kū tā pad gētīg zīndag , hēd kāmag ī ī ohrmazd ud xwadāy warzīdārīh ī pad , dēn abāyēd būdan kū =mān gannāg druwand , abāg wišūdagān ī ōy nē frēbēnēd u =mān az rāh ristag ī yazdān bē ma wardēnēd ,

anōšag ruwān bawād ōšnar ī purr xrad kē ō hašāgird ī xwēš pad ēn andarz kird ud framān , dād ,

frazaft pad drōd šādīh rāmišn ,

anōšag ruwān ō kē rāy nibišt

X dād X frazām =iz rōz =iz pad dām pad dām… X X